АСАЦЫЯЦЫЯ
БЕЛАРУСКІХ
МЕДЫКАЎ
Асацыяцыя Беларускіх
Медыкаў - гэта агульнакраёвае грамадскае аб'яднанне лекараў, медычных
сёстраў, студэнтаў-медыкаў і ўсіх тых, хто працуе ў сферы аховы здароў'я
ці проста цікавіцца медыцынай
Наша місія
- паляпшэнне здароў'я
грамадства і развіццё медыцыны
на Беларусі
Нашыя
каштоўнасці:
прафесіяналізм
адказнасць
прынцыповасць
калегіяльнасць і ўзаемапавага
беларускасць
Нашыя
мэты:
усебаковае садзейнічанне
паляпшэнню здароўя насельніцтва Беларусі;
спрыянне няспыннаму,
адэкватнаму патрэбам грамадства развіццю і ўдасканаленню беларускай
медыцынскай навукі, адукацыі і практыкі ў кантэксце дасягненняў сусветнай
медыцыны
Нашыя
задачы:
актыўны ўдзел
у функцыянаванні сістэмы аховы здароўя, яе рэфармаванні;
павышэнне грамадскай актыўнасці, прафесійнага і культурнага ўзроўню
медыцынскіх работнікаў;
абарона правоў
і законных інтарэсаў медыцынскіх работнікаў;
удзел у развіцці
і рэфармаванні медыцынскай адукацыі, скіраваных на паляпшэнне ўмоваў,
павышэнне ўзроўню і эфектыўнасці навучання;
спрыянне развіццю
медыцынскай навукі, пашырэнне інфармацыйных тэхналогіяў у медыцыне;
пашырэнне ўжывання
беларускай мовы ў медыцыне;
адраджэнне медыцынскіх
традыцый Беларусі;
папулярызацыя
медыцынскіх ведаў сярод насельніцтва Беларусі, прапаганда здаровага
ладу жыцця;
садзейнічанне
аздараўленню навакольнага асяроддзя, падтрымка экалагічных ініцыятываў
Метады
нашай дзейнасці:
прадстаўленне
сваіх сябраў у дзяржаўных структурах, навучальных установах, грамадскіх
арганізацыях;
АБМ праз сваіх
сябраў у органах кіравання устаноў сістэмы аховы здароўя ўплывае на
функцыянаванне сістэмы аховы здароўя, бярэ ўдзел у яе рэфармаванні;
АБМ стварае адукацыйныя,
навуковыя і іншыя установы, аказвае дапамогу ў іх дзейнасці;
праводзіць навуковыя,
адукацыйныя, культурна-масавыя ды іншыя мерапрыемствы, грамадскія акцыі;
збірае, захоўвае
і распаўсюджвае інфармацыю пра сваю дзейнасць, пра стан здароўя насельніцтва
Беларусі, праблемы аховы здароўя, пра дзейнасць і праблемы медыкаў,
прапагандуе свае ідэі, уплывае на фармаванне грамадскай думкі;
распаўсюджвае
інфармацыю па пытаннях здаровага ладу жыцця, прафілактыкі захворванняў,
павышэння якасці жыцця хворых і праблемах аздараўлення навакольнага
асяроддзя;
аказвае матэрыяльную
і маральную падтрымку медыкам, аказвае іншую дапамогу ў парадку, прадугледжаным
заканадаўствам;
ідэйна, арганізацыйна
і матэрыяльна падтрымлівае іншыя аб'яднанні медыкаў, аказвае дапамогу
ў іх стварэнні;
выкарыстоўвае
іншыя метады, якія не пярэчаць дзеючаму заканадаўству
Наша гісторыя
Ідэя ўтварэння Асацыяцыі
Беларускіх Медыкаў узнікла пад час правядзення рэспубліканскай навукова-практычнай
канферэнцыі "Беларуская медычная адукацыя" 13 лістапада 1999
года, якую ладзіла суполка Задзіночаньня Беларускіх Студэнтаў Менскага
медычнага інстытуту. Удзельнікамі канферэнцыі былі практычныя лекары
з розных рэгіёнаў Беларусі, выкладчыкі і студэнты з усіх чатырох медычных
інстытутаў краіны. На канферэнцыі закраналася шырокае кола праблемаў
медычнай адукацыі ўвогуле і беларускай медычнай адукацыі ў прыватнасці,
а таксама абмяркоўваліся розныя праблемы, з якімі сутыкаюцца беларускія
медыкі. У выніку працы канферэцыі была прынятая рэзалюцыя з рашэннем
аб стварэнні "Асацыяцыі Беларускіх Медыкаў".
Такім чынам, аснову
арганізацыі склалі студэнты старэйшых курсаў і выкладчыкі Менскага медычнага
інстытуту, а таксама шэраг практычных лекараў з Менску, Слуцку ды Гомеля.
Пасля да арганізацыі пачалі далучацца лекары з Мастоў, Ліды, Жыткавічаў,
Віцебска, Гародні, Баранавічаў, Магілёва, Маладэчна ды іншых рэгіёнаў
Беларусі.
Цягам 1999 - 2001
гадоў АБМ праводзіла сустрэчы з лекарамі ў рэгіёнах Беларусі па актуальных
праблемах медыцыны на Беларусі, конкурс па гісторыі беларускай медыцыны
імя Францішка Савіча для студэнтаў-медыкаў, актыўна ўдзельнічала ў мабілізацыйнай
кампаніі "Выбірай!" на выбарах прэзідэнта Рэспублікі Беларусь
у 2001г.
У 2002 годзе Асацыяцыяй
былі зладжаны сэмінары, прысвечаныя некаторым актуальным медыка-сацыяльным
праблемам:
"Сацыяльная адаптацыя інвалідаў-калясачнікаў у вясковых рэгіёнах"
;
"Дзіцячая сьмяротнасьць і здароўе дзяцей ў постчарнобыльскім грамадзтве"
.
Праведзена распрацоўка і распаўсюд шэрагу медыка-асьветніцкіх інфармацыйных
матэрыялаў для насельніцтва па пытаннях здароўя дзяцей і па некаторых
інфекцыйных хваробах.
Распачата праца над слоўнікам беларускіх медычных назваў.
Больш падрабязную
інфармацыю пра зладжаныя праекты можна атрымаць, звязаўшыся з намі:
asbelmed@tut.by
Наша сучаснасць
07.02.2003 - удзел
у круглым стале "Медыка-экалягічныя аспэкты здароўя дзяцей г. Маладэчна",
які быў зладжаны Маладэчанскім рэгіянальным цэнтрам грамадскіх ініцыятываў
"Кросны".
15.02.2003 - удзел
у арганізацыі і правядзенні круглага стала "Грамадзянскія кампаніі
як эфектыўны сродак працы з насельніцтвам" які быў арганізаваны
Асамблеяй няўрадавых дэмакратычных арганізацыяў Беларусі.
Што плануем у 2003
годзе:
зладзіць шэраг медыка-прававых імпрэзаў: кампанія інфармавання насельніцтва
па пытаннях платнай медыцыны і правоў пацыентаў, сустрэчы для лекараў
на тэму "Прававое забеспячэнне лекарскай дзейнасці";
узяць актыўны ўдзел у грамадзянскай кампаніі "Зробім лепш'03",
прымеркаванай да Сусветнага Дня Здароўя;
працягнуць выпуск асветніцкіх матар'ялаў для насельніцтва па актуальных
праблемах здароўя;
працягнуць працу аналітычнае групы АБМ па аналізу і інфармаванні грамадзкасці
пра сучасны стан і тэндэнцыі здароўя насельніцтва і сістэмы аховы здароўя
на Беларусі;
распачаць працэдуру дзяржаўнай рэгістрацыі Асацыяцыі.
І гэта яшчэ ня ўсё!
Далучайцеся!!!
Нашыя кантакты:
Е-mail: asbelmed@tut.by
тэл/факс: (017) 220 80 91
пэйджар: (017) 285 00 00 аб. 23 719 (Андрэй) ці аб. 22 035 (Мікола)
220053 Мінск, а/с 76
Нашыя партнёры:
ГА "Лекарскі
Зьвяз" (аб'яднаньне медыкаў з Магілёву)
Задзіночаньне Беларускіх Студэнтаў (www.studenty.org)
Беларуская асацыяцыя дзяцей-інвалідаў і маладых інвалідаў
Беларускай асацыяцыяй інвалідаў-калясачнікаў
Цэнтар "Супольнасьць" (supolnasc@user.unibel.by)
ГА "Пазітыўны рух" (positive_movement@tut.by)
ГА "Беларуская
асацыяцыя ўрачоў агульнай практыкі"
АБМ актыўна ўдзельнічае
у працы сацыяльнага круглага стала Асамблеі Няўрадавых Арганізацыяў
Беларусі, прадстаўнік Асацыяцыі зьяўляецца сябрам Рабочай Групы Асамблеі
НДА Беларусі.
GSpay - iatp merchant account provider. 
Выгодная и надежная аренда серверов на ваших условиях.
